Python'da pip va paket o'rnatish

Python kuchli, chunki uning uchun minglab tayyor kutubxona yozilgan: saytdan ma’lumot olish, grafik chizish, Excel bilan ishlash. Ularni o’rnatish va boshqarish uchun pip ishlatiladi. Bu darsda pip bilan tanishamiz.

pip — paket o’rnatish vositasi

pip — Python bilan birga keladigan vosita. U tashqi kutubxonalarni internetdan yuklab o’rnatadi. Terminalda:

pip install requests

Bu requests kutubxonasini o’rnatadi — u bilan internetdan ma’lumot olish mumkin. O’rnatilgach, uni import qilib ishlatasiz:

import requests
javob = requests.get("https://example.com")
print(javob.status_code)

Foydali pip buyruqlari

pip install requests        # o'rnatish
pip uninstall requests      # o'chirish
pip list                    # o'rnatilganlar ro'yxati
pip install requests==2.31.0  # aniq versiya

requirements.txt

Loyihada ishlatilgan barcha paketlar requirements.txt faylida saqlanadi:

requests==2.31.0
pandas==2.0.0

Boshqa kishi (yoki server) shu bitta buyruq bilan hammasini o’rnatadi:

pip install -r requirements.txt

Bu loyihani boshqa kompyuterda tiklashni osonlashtiradi.

Amaliy mashq

Paketlarni boshqaring:

1. Faol venv ichida pip install requests bajaring;
2. pip show requests bilan versiya va bog’liqliklarini ko’ring;
3. pip freeze > requirements.txt bilan ro’yxatni faylga saqlang;
4. faylni ochib, ichidagi yozuv shaklini ko’ring;
5. pip uninstall requests qilib, so’ng pip install -r requirements.txt bilan qaytadan tiklang.

pip freeze va pip list chiqishi nega har xil ko’rinadi?

Qisqacha xulosa

• pip — Python paketlarini o’rnatadigan vosita (PyPI omboridan).
• pip install nom — o’rnatadi; pip uninstall, pip list — boshqaradi.
• O’rnatilgan paket import bilan ishlatiladi.
• requirements.txt — loyiha paketlari ro’yxati; -r bilan hammasi tiklanadi.
• pip ni doim venv ichida ishlating.

Keyingi darsda PEP 8 — Python kodini toza va bir xil yozish uslubini ko’ramiz.