TypeScript — JavaScript ustiga tip tushunchasini qo'shadigan til. Alohida til emas: yozgan kodingiz baribir JavaScript bo'lib qoladi, faqat har qiymat qanday shaklda bo'lishi kerakligi yozib qo'yiladi.

Foyda bitta jumlada: xato kod ishga tushmasdan oldin topiladi. Funksiya songa mo'ljallangan-u, unga matn berilgan bo'lsa, buni brauzer emas, muharriringiz aytadi — siz hali kod yozib turganingizda.

Bu bo'lim JavaScript davomi. U yerda til asoslarini o'rgandingiz; bu yerda o'sha kodni ishonchli qilasiz. Har dars bitta tushuncha beradi: asosiy tiplar, obyekt shakli, union, generiklar va tayyor utility tiplar.

Kod brauzerda emas, o'z kompyuteringizda tekshiriladi: TypeScript tip izohlarini brauzer tushunmaydi, shuning uchun har misolda tsc qanday xabar berishi ko'rsatiladi. O'zingiznikini shu bilan solishtirasiz.

Kimga mo'ljallangan. JavaScript asoslarini bilganlarga: funksiya, massiv, obyekt va modullar. Ular bo'lmasa tip xatolari tushunarsiz tuyuladi — avval JavaScript bo'limini tugating.

Bu bo'limda nima o'rganasiz

TypeScript nima va u JavaScript'dan qanday farq qilishini
tsc bilan kompilyatsiya va tsconfig.json sozlashni
Asosiy tiplar — string, number, boolean va tip chiqarish
Massiv, kortej (tuple) va obyekt tiplarini yozishni
type va interface farqi hamda qaysi birini tanlashni
Funksiya parametrlari, qaytish tipi va ixtiyoriy argumentlar
Union, literal tip va tipni toraytirish (narrowing)
any nega xavfli, unknown va never qachon kerakligi
Generiklar va tayyor utility tiplar — Partial, Pick, Omit
DOM bilan xavfsiz ishlash va JS loyihasini TypeScript'ga ko'chirishni